زجل عامي بعنوان
قلي ياحلوة
....................................
قلي قاعد وحدي هون
أنا والليل بهالساحة
وغافي حدي زهر الفل
يلي عطورو فواحة
وعم إتذكر لحظ العين
وسارح فيكي بصراحة
خدودك وسهام العينين
ونظرة عينك دباحة
.....................
قلي يا حلوة صعقتيتي
بي عينيكي العسلية
سحرتي قلبي ودوبتيني
وتغلغل حبك فيي
أنا عقلي صاير مجنونك
ناطر منك حنية
جايي لعندك مرهونك
تاقدم قلبي هدية
.....................
قلي يا حلوة عم إكتب
لعيونك أجمل أشعار
وعم إتغزل فيكي دوم
وسارح فيكي ليل نهار
يلي سكنتي جوا الروح
رح جبلك أجمل إسوار
وإحكي مع بيك اليوم
تا نكمل سوى المشوار
...................................
د . ملك محمود الأصفر
ليست هناك تعليقات:
إرسال تعليق