من حقك تقول ال ( آه ) .
بشعر العامية المصرية .
----------؛؛----------؛؛-؛؛---------؛؛
من حقك تقول الآه
وتنادي يا ولداه
ناس منهم آه آه
الشر ليه ظاهراه
والخير لمين خافياه
ناس رافعالنا الجباه
ما يحبوا كلمة آه **
**********؛؛**********؛؛
وناس تشوف الشهامه
يصيبها داء الندامة
وناس بتطلب كرامه
وسايبة أكبر علامه
مكتوب علينا السلامه
لحد يوم القيامه
وناس قلوبها صافيه
مليانه صحة وعافيه
وبحب الناس دافيه **
**********؛؛**********؛؛
وناس الشر جواها
والحقد باين غطاها
مكلبش فيها خلاها
ما تغير طبع جواها **
**********؛؛**********؛؛
أوقاتنا بحب عشناها
والروح الحلوة مالياها
بننسي الدنيا وأساها
ونعيشها حلوة بمعناها **
**********؛؛**********؛؛
افهم لغاها وفحواها
وضم السعادة وهناها
دا كل نبضة ومعناها
تحكي الحكايه وما وراها **
**********؛؛**********؛؛
سمعت صوتها ونداها ؟
وجمال صباحها ومساها ؟
شوفت الجمال بسماها ؟
شفت الأمان في رباها ؟
ممكن في يوم تنساها ؟
ولا ما تقدر تسلاها ؟
نور الحياة وضياها
جملها ربي وحلاها
وبالأماني غطاها
سبحانه ربي سواها **
****؛؛****؛؛****؛؛****؛؛****؛؛****؛؛
بقلم أ / عبد الرحمن فتحي الحناوي .
من / مصر .
*********************************
ليست هناك تعليقات:
إرسال تعليق