أحلا صدفه
لماجه يناديني طيفها
قلت أشوفها
قلت أداعب يوم حروفها
قلبى حس الحرف ليها
بيناديها يقول كلام
قلت هو دا الغرام
والكلام بيجيب كلام
حرف طاير حرف حاير
حرف بيدق البيبان
وقلب مرسوم ع الحيطان
نظره منها نظره منى
كلمه منها كلمه منى
حسيت انى عاشق هواها
رق قلبى ومال اليها
كان لقانا عشان قصيده
مكتوبه بدمع العنين
سطرتها دموع شديده
قلت غايبه عنى فين
قلت هى دى الحبيبه
هى دى حلم السنين
قالت اقرا وشوف كلامى
اقرا شعرى وقول كلامك
قلت بهديلك سلامى
لما حس بنار غرامك
حس قلبى بالرضا
لما بص وشاف عنيها
شوفت قلبى طار اليها
العيون بتقول تعالى
والشفايف بتنادينى
عقلى بيقول استحاله
وقلبى قال عمرى وسنينى
رد عقلى وقال بلاشى
اصلها مش مكتوبالك
قلبى قال اسمع كلامك
دانت قلبى ونبض عمرى
قلت عمرى حاسس غرامك
قلت مااجمل حروفها
احلى يوم قلبى يشوفها
احلى صدفه
....
آخر كتاباتى اليوم السبت
17 فيراير 2018م
اشرف خوينس
تسلمى شاعرتنا الجميلة فايزة البغدادى
ردحذف