دويتو جمعني بالرائع طارق العيسوي
جايلى بوردة!!
----------
جايلي بوردة ؟!!!
وشمعة كمان !!!!
جاي بتقولي انك ولهان
ابعد عني اوعى تقرب
لاحسن هصرخ بالمليان
وهعرفهم كل عمايلك
وهوريهم مين غلطان
من كام ليلة لما ناديتلك
قولتلي حاااضر جاي قوام
اتاريك نازل رغي معاها
وبتغنيلها بشوق وهيام
فاااااااااكر ؟
ولا امبارح وانا بشكيلك
م اللي جرالي من الأيام
كنت انا فاكرة انك ويايا
اتاريك غرقان في الأحلام
بقى بالذمة دا اسمه كلام ؟!!!
يا ابو تركيبة جنان في جنان
انا والله غلبت ف طبعك
ومش هصفالك مهمن كان
وانا عن نفسي هلجم حبي
واقفل قلبي واعيش بأمان
ابعد عني وسيبني بغلبي
ولا............. ااقولك
انا يكفيني انك ندمان
إلهام محمود
----
ياما ورود جبناها زمان
وياما شموع طفيناها كمان
ليه اتعودتى على الحرمان
غيرة وسيرة فى الاحزان
والوسواس سكن الوجدان
والخناس صاحبك بجنان
جوه حياتنا وله عنوان
غير طعم الحب تمام
خلى العيشة مافيها امان
اصحى ليلاتى وهى تنام
ولما انام تصحى انتى قوام
بس باشوفك فى الاحلام
يلا ياهانم انا زعلان
ومش راح اقولك حتى سلام
----
طارق
----
طيب ممكن نهدى شوية ؟
ونملى قلوبنا بالحنية
خلي الحب يصفي قلوبنا
وننسى خصامنا وسوء النية
انت تعيش على طول تخلصلي
وانا ارويك على طول حنية
إلهام
------
انا مشتاق اوى للحنية
ولما تطبطب روحك فيا
كلمة رقيقة بحسن النية
تملا حياتنا بالمراضية
انا باتعلم منك لسه
علم اصول فن الملاغية
----
طارق
ليست هناك تعليقات:
إرسال تعليق