قالو عني كتير حكايات
قلبها ابيض
ذي سواد الليل الحالك
يقلب اوقات
قالوا عاقلة
كتير مجنونة
واللي بتصبح فيه
بتبات
قالو مطاوعة
بس عنيدة
دي قريبه
لأ دي بعيدة
عاشقة غموضها
حاد كلامها
كتير حكايات
وانا ولا بهتم
ولا شايلة لكلامهم هم
قالو جنية
قالو بشرية
قالو برية
معجونة حنية
مارد فارد
قلوعة تمرد
قالو من الجنة
عاملة حورية
قالو دي بتكتب
كتابات نثرية
هيلوغروفية
وساعات رونية
واهي شخبطة
فرح وهم
قالو عشتار
عاشقة فراتها
قالو كيلو باترا
من النيل صفاتها
وانا ولا بهتم
المهم
بل الاهم
ماشايلة لكلامهم هم
انا القريبه من الصفا
ماأنكرش
فيه شوية جفا
انا بشرية
شوية صفات
ماأعترفش ب خد وهات
مجنونه على الدنيا
ومنها ساعات
وساعات بخاف
من شري وملجماة
أعمل مش فاهمة
كمان مش سامعة
وإن لمح حد بسوء
أنا في السوق
ببيع المر في ورق السكر وأسقيهوله دايب في كاسات
قالو قوية
وانا مااضعف مني
أعشق ضعفي
وقوة صبري
استبدادي بحقي
مصحوب بشوية
فطرة و دهاء
بالمختصر الصريح
بشرية بدرجة إنســـــــانة
#أوتذكــــــــــ فايزه البغدادي ــــــــــــــرني✍
ليست هناك تعليقات:
إرسال تعليق