((((قلبه جبار))
____________ محمودعمار الزلباني
نفسي أفهم حاجة واحدة
ليه بتتغير قوام
ليه في لحظة تقول بحبك
وبعد ثانية تقول حرام
ولو في مرة جيت أعاتبك
ألاقيك زايد في الخصام
الحق عليك إنت يا قلبي
إنت إللي علمته الغرام
إرجع يا قلبي بين ضلوعي
وهو معاه خلص الكلام
يا مابيدي مسحت دمعك
ولا مرة خفت من الملام
يا ما كنت أفرح بقربك
بلاش عتاب وكمان سلام
هاكتم حنيني جوا قلبي
قبل ما يصبح حطام
يلا يا قلبي بلاش عتاب
يا قلبي دا الحب إحترام
لو شوية منه ضاعوا
قول على الدنيا السلام
خلاص يا قلبي هو عالي
ضاع ما بينا الإنسجام
بس لو فكر في ماضي
شوفنا فيه أجمل غرام
كانت تكلمنا النجوم
وكانت قلوبنا في وئام
كنت باحلم في غيابه
حتى حلمي نسيه ونام
بص لي من فوق وقالي
إنت مين يا إبن الكرام
ألف واحد عندي زيك
أنا إللي في يدي الزمام
حسيت بإن الحب ضاع
جبار قلبه في الخصام
جبار قلبه في الخصام
ـــــــــــــــــــــــــــــــــــمحمودعمار الزلباني
ليست هناك تعليقات:
إرسال تعليق