(نص حلم )
وكأن الدنيا على أد وسعها إضيقت
بتنفس من خرم ابرة بحلم وبتنهد
بنص ضحكة على الوشوش
بس الوشوش من غير رتوش
والأمل تايه في نص السكه
والعينين زايغه بتدور عليه
على ابره في كومة قش
بنتعلق بقشة
نسكن في عشة
بالحب نتعشى
ماسكين الايدين بتمشى
نضحك بقفشة
ونصحى على صوت الرجفة
اتارينا بنص الحلم
حلم اترسم على الحيطان
قفلنا عليه البيبان
لاجل لا حاسد يشوفه
ولا على الزمن يبان
نزل المطر
اتاريه خطر
الحلم اتغسل
وماعلى بالنا خطر
إن الحيطان من غير سقف
سقف امالنا اتهدم
ولا حلمي كان من العدم
من كتر الالم والأمل
زرعت جوايه نص حلم
والعلم مر
ساعة تشتاقلي عليه تمر
وباقي اليوم من غيرك يمر
يامر المر
على عمر في إنتظارك مر
وبقيت بغيابك بنص عمر
ونص حلم
وشوية امل
لكن الالم كامل مكمل وزيادة
بنفس حلاوة نص الحلم
ياكل الحلم و حلم العمر •
✍️ أو تذكـــــ فايزه البغدادي ــــــرني
ليست هناك تعليقات:
إرسال تعليق