{ ضحكة 😂 بتبكي }
ياقلب بالوجع مليان
قالوا.....
ضحكتك........ صافية
زي ما تكون وردة ف بستان
ماعرفوك
ما عرفوك زين شجرة فرعها مال
... ووقفت عليها الغربان...
وفرع تاني طار من عليها الطير
.... والدمع منه سال...
وفرع تالت من وجعه بكى عليه
.... الناي....،
كتب الليل ساعة منه فرحة
والباقي حزن بالجوف مليان
ونور شمس راحت......
ونور شمس راحت مابان ليها بيان
حتى اللمة اتفرقت والكل فيها هان
أيوه دمعه ف القلب متحجرة فيها
الكلام....... ألوان
أيوه .....ألوان
أوعى ترسم الصورة دايما بالفرحة
وتكون غفلان
خليك فاكر أنه الزمن ليه العجب
وبكل حال أحوال
ويوم ماتنزل دمعتك أعملها فرح
وأوعى تخاف من شامت ولاخوان
يمكن الفرحة تدوم يوم لكن الوجع
يدوم .... أيام
وعجبي....
احمد النجعاوي
